मन घायाळ करून पाहिले
पाहिले तुझ्यापासून दूर राहून
मन बावरे तुलाच फितूर
अन मी माझ्याही नकळत
तुझ्यासाठी आतुर
सखे तुझ्यासंगच हवे आयुष्य
हे श्वास सारे तुझ्याच नावे
मी एकटा भणंग फकीर
कोरूनी टाक हातावर माझ्या
तुझ्या सोबतीची लकीर
काय उणे, काय बेरीज
आयुष्य शून्य तुझ्याखेरीज
प्रेमाशिवाय जगणं मुश्कील
तुझ्याशिवाय असणं अवघड
तूच माझ्या अस्तित्वाचा हुंकार
तू घे ना मज वेड्याला
तुझ्यात सामावून अलवार
कोणत्याही टिप्पण्या नाहीत:
टिप्पणी पोस्ट करा